གཙོ་ངོས།>> གནའ་ཤུལ།>>གནའ་ཤུལ།

རྩོམ་པ་པོ། མི་གསལ། རྩོམ་སྒྲིག་པ།དབང་ཆེན།ཡོང་ཁུངས།ཀྲུང་གོའི་བོད་ལྗོངས་དྲ་བ། སྤེལ་དུས། ༢༠༢༡ལོའི་ཟླ་བ་༠༥ཚེས་༠༨ཉིན།

༄༅།།འཕྱོངས་རྒྱས་བོད་བཙན་པོའི་བང་སོ་སྐོར།

    བཙན་པོའི་བང་སོ་ནི་འཕྱོངས་རྒྱས་ན་ཡོད་ཅིང་། འཕྱོངས་རྒྱས་ཞེས་པའི་ས་ཆ་འདི་ནི་བོད་ཀྱི་ལོ་རྒྱུས་ལས་གོ་གནས་གལ་ཆེན་ཟིན་ཡོད་པའི་གནས་མཆོག་ཅིག་ཡིན། དེ་ཡང་གནས་དེའི་དོན་མཁར་མདའ་དང་མུ་ར་རི་སོགས་སུ་གལ་ཆེ་ཤོས་བོད་བཙན་པོའི་བང་སོའི་ཚོགས་ཡོད་ཅིང་། བོད་བཙན་པོའི་སྤུ་རྒྱལ་སྲོང་བཙན་སྒམ་པོའི་བང་སོ་ནི་བང་སོའི་ཚོགས་ལས་ཆེ་ཤོས་ཤིག་ཡིན།ཁོང་གི་བང་སོ་འཕྱོང་པོ་མདའ་རུ་བརྩིགས་ཡོད་པ་དང་། ཆེ་ཆུང་གི་ཚད་ལ་དཔག་ཆེན་མདའ་རྒྱང་གང་དང་མིང་ལ་སྨུག་རི་སྨུག་པོ་ཞེས་ཟེར། དེ་མིན་མང་སྲོང་མང་བཙན་དང་། འདུས་སྲོང་མང་པོ་རྗེ། མེས་ཨག་ཚོམ་འཕྲུལ་རྒྱལ། ཁྲི་སྲོང་ལྡེའུ་བཙན། མུ་ནེ་བཙན་པོ། ཁྲི་ལྡེ་སྲོང་བཙན།  ཁྲི་གཉན་གཟུངས་བཙན།  སྟག་རི་གཉན་གཟིགས།  གནམ་རི་སྲོང་བཙན་བཅས་གཙོར་བྱས་པའི་བང་སོ་ཁག་གོ་རིམ་གྱི་ཚུལ་དུ་བརླིང་བོར་ཡོད། ཆོས་འབྱུང་མཁས་པའི་དགའ་སྟོན་དང་རྒྱལ་རབས་གསལ་བའི་མེ་ལོང་སོགས་ལས་གཅིག་མཐུན་དུ་གནས་དེར་བང་སོ་ཉི་ཤུ་རྩ་གཅིག་ཡོད་པར་བཞེད་ལ། བོད་ཀྱི་བཙན་པོ་ཁྲི་གཉན་གཟུངས་བཙན་དང་འབྲོང་གཉན་ལྡེའུ་ཡན་གྱི་བཙན་པོ་དག་གི་བང་སོ་གང་དུ་བཏབ་པ་དང་ཇི་ལྟར་བཏབ་པ་སོགས་ཞིབ་ཕྲ་ད་ཕན་གྱི་ལོ་རྒྱུས་ཀྱི་ཟིན་ཐོ་ཁག་ཏུ་ཁོ་བོས་མ་མཐོང་བས་བཤད་པར་རྔོ་མི་ཐོགས། འོན་ཀྱང་འདིར་བདག་གིས་ཀུན་མཁྱེན་འཇིགས་མེད་གླིང་པའི་གཏམ་ཚོགས་ལེའུ་སོ་བདུན་པའི་ནང་གི་བློན་པོ་མགར་གྱིས་མཛད་པའི་བང་སོའི་དཀར་ཆག་བྱ་བ་དང་། ལྡེའུ་ཆོས་འབྱུང་སོགས་ལ་གཞི་བཞག་སྟེ་ཡར་ཀླུངས་འཕྱོངས་རྒྱས་སུ་ཡོད་པའི་བང་སོའི་ཚོགས་དག་ངོ་སྤྲོད་མདོར་བསྡུས་ཤིག་བྱ་རྒྱུ་ཡིན།  



39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1