གཙོ་ངོས།>> དམངས་སྲོལ།>>དུས་ཆེན།

ཐུབ་བསྟན་ཕུན་ཚོགས། རྩོམ་སྒྲིག་པ།དབང་ཆེན།ཡོང་ཁུངས།ཁམས་པའི་རིག་གནས་དྲ་བ། སྤེལ་དུས། ༢༠༢༡ལོའི་ཟླ་བ་༠༧ཚེས་༠༥ཉིན།

༄༅།།དར་རྩེ་མདོའི་བཞི་པའི་ཚེས་བརྒྱད་ཀྱི་དུས་ཆེན།

    དར་རྩེ་མདོའི་བཞི་པའི་ཚེས་བརྒྱད་ཀྱི་དུས་ཆེན་ནི། ཀརྨ་སྐུ་ཕྲེང་ལྔ་པ་དེ་བཞིན་གཤེགས་པའི་སྐབས་སུ(1387—1415)ཡུལ་འདིར་ཀརྨ་བཀའ་བརྒྱུད་ཀྱི་བསྟན་པ་ཧ་ཅང་རྒྱས། མདོ་དགོན་ཁག་བདུན་ཞེས་པའི་བཀའ་བརྒྱུད་པའི་དགོན་ཁག་བདུན་བྱུང་ཡོད། མཚུར་ཕུའི་རྩིས་ལུགས་ལ་ས་ག་ཟླ་བ་སྟེ་བོད་ཟླ་བཞི་པའི་ཚེས་བརྒྱད་ལ་སངས་རྒྱས་སྐུ་འཁྲུངས་པར་བཞེད། ཉིན་དེ་ལ་སྐྱ་སེར་ཐམས་ཅད་འདུས་ནས་དགེ་སྦྱོར་བྱེད་པའི་སྲོལ་ཡོད་པ་དེ་རིམ་བཞིན་དུ་ཡུལ་གྱི་དུས་ཆེན་ལྟ་བུ་ཞིག་ཆགས། སྤྱི་ལོ1642ལོར་དགའ་ལྡན་ཕོ་བྲང་གི་སྲིད་དབང་འཛིན་པའི་རྗེས་སུ་བོད་ས་ཁུལ་གྱི་བཀའ་བརྒྱུད་པ་དང་ཇོ་ནང་པའི་དགོན་པ་མང་པོ་ཞིག་དགེ་ལུགས་པའི་དགོན་པར་བསྒྱུར་བའི་སྐབས་སུ། དར་མདོའི་བཀའ་བརྒྱུད་པའི་དགོན་པ་རྣམས་དགེ་ལུགས་པར་བསྒྱུར་བས་བཀའ་བསྟན་ཉམས་ན་ཡང་། སངས་རྒྱས་འཁྲུངས་སྐར་གྱི་དུས་ཆེན་དེ་མི་དམངས་ཀྱི་དུས་ཆེན་ཞིག་ཏུ་གྱུར་ཏེ་ད་བར་མུ་མཐུད་ནས་དུས་ཆེན་གཏོང་སྲོལ་ཡོད་པ་རེད། འོན་ཀྱང་དེང་དུས་ཀྱི་དར་མདོར་བོད་ལུགས་ཀྱི་བཞི་པའི་ཚེས་བརྒྱད་དེ་རྒྱ་ནག་ཞིང་རྩིས་ལུགས་ཀྱི་བཞི་པའི་ཚེས་བརྒྱད་ལ་དུས་ཆེན་གཏོང་སྲོལ་དེ་རིམ་བཞིན་ཆགས་འདུག

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1